Asawa miputol sa kinatawo sa bana

Tampo ni Quir L. DE Gracia

Usa ka asawa ang gisilotan sa Korte pagkabilanggo tibuok niyang kinabuhi sa pagputol sa kinatawo sa iyang bana ug paglabay niini, naputol nga penis ug paghiwa-hiwa niini ngadto sa basurahan. Hinuon, matud pa siya may kahigayonan pa makadawat og parole.

* * *

Sumala pa sa Orange County District Attorney’s Office, ang misentensya kang Catherine Kieu, gisilotan sa Korte tungod sa iyang sinalbahis nga pagputol sa kinatawo sa iyang bana, kaniadtong Hulyo, 2011. Si Kieu, 30 anyos, makahimo sa paghangyo og parole human sa pito ka tuig pag-alagad sa bilanggoan.

* * *

Ang Maghuhukom, nag-ingon, si Kieu, misagol og mga sleeping pills ngadto sa tubig sa baso sa iyang bana. Diha iya nang nakita nga nalipong na pag-ayo kini human makainom. Giingon si Kieu, misinggit pag-ingon “Mao kanay angay kanimo.’ Dayon niyang pag-abis sa kinatawo sa iyang bana ginamit ang hait nga kitchen knife. Wala pa makontento ang pinutol nga kinatawo, gihiwahiwa pa gyud kini sa hilabihang kapungot ug gihan-ok ngadto sa ilang basurahan.

* * *

Matud pa, si Kieu gihukman gumikan sa iyang sinalbahis, pagpaantos ug pagputol sa kinatawo sa iyang bana. Ang gihimo nga pangatarungan sa iyang manlalaban didto sa Korte, nag-ingon nga si Kieu nag-antos sa sakit nga mental health kon panglawas sukad pa sa iyang pagka bata. Ug  sa pag-abuso kaniya sa iyang bana. Apan ang tanan wala dawata kon tuhoi sa Hukmanan. Gikombikto gayud si Kieu sa silot nga bilanggo sa tibuok niyang kinabuhi.