Freak accidents

Dunay mga panghitabo nga mora’g dili gyud mahitabo apan nahitabo. Gitawag kini sa iningles nga “freak accidents.”

Pipila niining maong freak accidents o katuohan-dili nga panghitabo atong ikarga dinhi ning atong gamay’ng espasyo aron ikapaambit kaninyo.

* * *

Didto sa Mandaluyong, Metro Manila, dunay usa ka gamay’ng bata nga nahu’g sa kanal. Dihang luwason unta sa amahan napandol kini sa usa ka dakong bato, napangka ang ulo sa laing bato ug namatay. Ang bata nga nahu’g sa kanal nabuhi, ug nabuhi hangtud karon 20 ka tuig na nga minglabay.

* * *

Atol sa pinusilay nga nahitabo didto sa North Harbor sa Manila, may usa ka babaye nga naigo og saag nga bala sa bukton, nilahos ang maong bala, miigo sa pader ug niuntol sa pusil diin gikan ang bala.

* * *

Usa ka bana didto sa Pasay nakig-date og babaye dili niya asawa. Nihapit sila sa usa ka bar diin may nahitabo nga pinusilay. Naigo ang bana sa saag nga bala sa iyang kinatawo ug gida og dali sa ospital. Wa na mahinayon ang giplano nilang maglipay-lipay sa motel.

* * *

Didto sa Negros Or. gibalita nga dunay bata nakatun og holen kon dyolen. Giatngan sa inahan dihang nalibang ang maong bata. Nag-ampo nga mogawas lang unta ang dyolen kay kun dili kulatahon siya sa iyang bana. Nigawas uban sa hugaw dili lang usa kundili tulo ka dyolen.

* * *

TRIVIA. Greetings sa atong mga higala diha sa T. Padilla public market ug sa dan T. Padilla. Daghang salamat sa inyong suporta sa Banat News.