Mr. Barangay

Brgy Calape, Daan Bantayan, Cebu

“Patabang unta mi sir Jun bahin aning among street lighting sa sitio Taytayan kay dugay na kaayo nga way suga, makadaghan nami mireklamo pero wa may aksyon.”

Brgy Amancion, Catmon, Cebu

“Naunsa naman ni among mga opisyales diri nga wala man gyod magpakabana sa mga problema sa among barangay labi na ang among karsada gani wala sad gyod mi kuryente diri.”

Brgy Poblacion (Ward 4), Minglanilla, Cebu

“Maayo untang matabangan mi sir Jun aning problema aning mga bata nga sige hingos sa rugby naa ra gyud likod sa barangay hall, wala man gyod kabadlong among mga opisyales sa barangay.”

Brgy Patong, Badian, Cebu

“Hangyo unta mi sa among mga opisyales sa barangay nga pahimoan unta’g karsada diri kay luoy kaayo ang mga estudyante kay maglakaw na lang padung eskwelahan kay wa may kasakyan.”

Brgy Gawi, Oslob, Cebu

“Ask lang unta ko sir Jun kun illegal pa ba gihapon ang masiao o jai-alai kay kusog man gihapon ni diri sa among lugar wala man kabadlong ang mga polis bahin aning sugala.”

Brgy Poblacion, Cordova, Cebu

“Sir Jun naay druglord diri sa among lugar ilado kaayo ni siya pero wala man gyod ni dakpa sa mga polis nga unta walo na ka tuig ning iyang negosyo diri asa na man ang mga polis ug taga PDEA.”

Brgy Jandayan Norte, Calape, Bohol

“Naunsa na man ning shabu uy kusog man kaayo ang pagkatap kay bisan diri sa among lugar miabot na man maayo unta nga maaksyonan kini sa labing dali nga panahon aron dili na modaghan.”

Brgy Looc, Danao City

“Salamat kaayo Mr. Barangay kay imo gyod dayon naaksyonan ang akong gi-text nimo bahin sa illegal nga drugas diri sa among lugar pero ang druglord pabilin pa man gihapon nga gawasnon.”

Brgy Lugo, Borbon, Cebu

“Diri dapit sa sitio Simangan daghan kaayo mag-parking nga mga dagkong truck kada hapon gikan sa Negros delikado kaayo sa mga bata gikan sa eskwelahan kay one lane na lang ang agianan sa bus.”

Brgy Baod, Bantayan, Cebu

“Hinaut unta matagad ning among problema sa pasuga kay wala man gyud kaayo matagad sa mga opisyal sa barangay ug sa lungsod hinaut unta nga matabangan mi nimo nga mapaabot sa natungdan nga mga ahensya.”

Brgy Cabatbatan, San Fernando, Cebu

“Palihog ra gud ni aning among lugar Sir kay pwerte na man kusoga sa swertres ug video karrera machines wala man gyod ni maaksyoni sa mga polis nga unta duol ra sa balay sa mga opisyales sa barangay ang kalihukan sa illegal gambling.”

Alang sa inyong mga reklamo text lang sa09071678643