Ang 100 ka adlaw sa mga piniling opisyal

Sa Hulyo 1 niining tuiga nga maoy unang adlaw nga pag-asumer sa katungdanan sa atong mga piniling opisyal sa kagamhanan mao usab ang unang hugna alang sa 100 ka adlaw nga pagsubay sa ilang programa ug proyekto nga gihan-ay alang sa  kaayohan sa katawhan nga ilang gisirbisyohan.

Ang   katawhan dili maglisod sa pagsubay sa mga proyekto nga nakahatag kanila og kaayohan tungod kay sa panahon sa kampanya alang sa pagpangama nga suportahan ilang kandidatura mao man ang ilang nabati ang labong kaayong mga saad sa gihan-ay nga mga programa.

Nagkadaiya ang mga programa ug proyekto nga gihan-ay sa atong mga piniling opisyal nga makapadasig usab sa katawhan nga maoy hinungdan nga ilang naangkon ang kadaugan batok sa ilang mga kaatbang.

Ang kadaghanan kanila sa  mga piniling opisyal nga naglakip sa senador,kongresista,  gobernador, mayor ug uban pa   sa panahon sa kampanya sa piniliay nga maoy mabati ang labong kaayong mga saad sa programa ug proyekto.

Ang maong mga programa ug proyekto nga ilang gipasiatab sa katawhan nga ilang hatagan ilang ipatuman  sanglit mao kini ang dayag kaayo nga makahatag og kalamboan nga kapahimuslan sa kabus nga katawhan.

Sa maong mga adlaw nga naglingkod ang atong mga piniling opisyal sa ilang katungdanan kun mapakyas sila sa pag-angkon sa kalampusan sa gisaad nilang programa  wala’y laing mahimo ang katawhan gawas sa paghatag pa og dugang lugway hangtod na usab sa pag-abot sa laing piniliay nga mao na usab ang adlaw sa paghukom sa ilang giingon nga “haring lungsod!”