HUNYO 30, 2013: Ikanapulo’g tulo nga Domingo sulod sa tuig Mga Pagbasa: 1 Mga Hari 19:16b,19-21/Sal.16/Gal.5:1,14-18/Lk.9:51-62
Nahimong walay maayong kabubut-on ang mga samaryanhon ug mga Judio. Kini ang kulturanhong hinungdan kun nganong wala padayona sila ni Jesus. Kini pud ang hinungdan kun nganong suko kaayo sila Santiago ug Juan. Sa laktod, dili sa tanang higayon anaa ang pag-uyon. Hinunoa, anaa usab ang mga pagsupak. Apan bisan pa niini himoon nato nga padayon kitang mopunting kang Jesus lamang ug dili kita maglingi-lingi kay ang maglingi-lingi walay igong padulngan.