EDITORYAL - Ang gahum sa ginadiling drugas

Lisud na  makontrolar  sa mga otoridad ang  hilabihang  paglipang  sa gidiling  drugas  ug  sa  mga  nabiktima  niini.

May nabiktima  sa gidiling  drugas  kay migamit  niini,  ug  may nabiktima nga gikan   sa tiggamit  sa gidiling  drugas.

Ang uban  miingon  nga mas arang-arang  ang nabiktima nga tiggamit  lang sa gidiling drugas  tungod kay  tiggamit  lang, itandi  sa nabiktima sa tiggamit niini.

Ang nabiktima  sa gidili  nga  drugas  igo  lang  mahubog  apan  isug ug  kadtong  mabiktima  sa tiggamit  og  gidiling  drugas, aw ang uban kanila  kasagaran patay na.

Busa  mao kini  ang  kanunay  nga  pangutana  sa kadaghanan  kun  unsay  gusto nila, mabiktima  aron  mogamit  sa gidiling  drugas?  o mabiktima  sa tiggamit  sa gidiling  drugas aron mamatay.

Para nako, pareho  ra ka  dautan  ug  ka laksut  sa tiggamit  sa  gidili  nga drugas  ug kadtong nabiktima  sa tiggamit  og  gidiling  drugas.

Kay kun  maulipon kana  sa gidiling  drugas, maglisud  kana  sa paglikay  niini hangtud  nga  ikaw  mamatay.

Gumikan  kay  magpangita  na man  ka, kinahanglang mangita  ka  og  kuwarta nga pinaagi sa pagpangawat, panulis, ug kun gikinahanglan  mogamit  og  kusog  aron  huygo tudo nga imong matuman ang imong gusto.

Tungod kay aburido ang utok, magpaligas ug kun di  mapiog  ang  hunahuna, kasagaran mogamit na  og  kusog hangtud  nga  maalaut ang kontra nga wala magpakabana nga  makasugat og dautang binuhat.

Nganong  daghan man kaayong nabuang  niini nga unta  kabus  man  ang  Pilipinas  ug  kun  may adunahan  dinhi, pipila ra ka tawo.

Kini tungod kay ang gidiling drugas sama sa shabu ug  sa kauban niini, lisud na kaayong  talikdan kun  ikaw  makatilaw, hinungdan  nga ang  uban mabuang ug  mamatay.