Panabot sa usa ka bata mahitungod sa iyang kaugalingon

b. Kun ugaling dunay mga kagubot o kaguliyang sa tunghaan kasagaran ang itudlo nga maoy sinugdanan mao man ang mga estudyante nga dili guwapa o guwapo. Kini tungod kay ang katilingban mismo ang nihatag man og dakong pagtagad sa mga maanyag ug sa mga ambongan sa pagtuo nga ang kaayo sa tawo nagasukad sa iyang panggawas nga bayhon.

Si Karen Dion sa laing bahin ang miingon nga diha sa paghatag og disiplina mas grabe ang mahiagomang silot sa bata nga dili guwapo o guwapa kun itandi sa iyang kauban nga ambongan o maanyag. Ang bata nga maanyag o ambongan ang nakasinati og pagkainila diha mismo sa iyang grupo. Maingon nga ang kalibutan daw giandam nang daan alang kanila nga mga ambongan ug mga maanyag.

2. Pagkalantip. Nahimong inila usab ang si bisan kinsa nga nakahupot og kalantip sa hunahuna. Partikular kaayo ang kadaghanan kanato sa IQ kon Intelligence Quotient. Mas tinamod ug dinayeg ang mga fast learners kun itandi sa mga slow learners. Anaa kanila ang mga prebilihiyo nga angay pud untang ihatag niadtong mas nagkinahanglan pa. Mao nga diha sa pamilya, adunay mga ginikanan nga mga pugoso kaayo nga ang ilang anak manlimbasog aron makahupot sa gitawag natong Academic Excellence. -- Sumpayan pa