Dili luwas ang katawhan sa kadalanan

Daghan karon ang nakatuaw nga dili na luwas ang katawhan sa kadalanan sa nagkadaiyang dapit sa dakbayan tungod kay ang mga dautang elemento dili na man mahadlok nga mohimo sa krimen bisan pa sa adlaw o gabii taliwala sa daghang mga tawo nga magtan-aw.

Matud pa nila nga wala na mag-agad og oras ang krimen nga mahitabo sa kadalanan nga naglakip sa pagpanulis, pagpanglabni, pagpanguot ug pagpamusil nga kun dili maangol  makalas gayod ang kinabuhi.

Dugang pa nila nga wala magpili sa matang sa tawo nga biktima sa dautang elemento sanglit mahimo man ang  mga ordinaryong mga tawo, propisyonal nga sama sa abogado, doktor, negosyante, mga  kawani sa gobiyerno o pribado o mga tawo nga naghupot og katungdanan sa gobiyerno.

Naghimo na unta og mga lakang ang kuwerpo sa kapolisan sa pagpakgang sa mga dautang elemento nga mohimo og krimen pinaagi sa gipasigarbo sa ilang mga opisyal nga police visibility ug checkpoint sa adlaw ug gabii  apan sa gihapon wala gayod kini makapakgang.

Ang labing kuyaw nga palandungon niining bag-o lang nga mga panghitabo sa krimen  kay dili lang ang ordinaryong mga tawo ang biktima sa krimen sanglit nalakip na man ang pulis o traffic enforcer  sa  gipusil ug namatay.

Gumikan sa pagsibaw sa  kriminalidad  nga nahitabo sa kadalanan wala usab kapugngi ang pagsibaw niining panahona nga katugotan na lang sa kagamhanan ang katawhan sa paghupot og armas nga magamit sa pagpanalipod sa ilang kaugalingon nga nakapabalaka usab sa pipila ka mga tawo nga mograbe pa gayod ang mahitabong krimen kay sa gamay lang unya nga