Pagpamalandong alang sa Malangkubong Kaayohan

2. Kompetisyon — Sugod  pa lang daan sa pamilya, anaa nang daan ang kompetisyon. Diin dunay posibilidad nga hatagan og pabor ang mga anak nga mas makamao kay sa uban. Sama pananglit, sa mga bata nga academically  maka-excel ang nakasinati og extra-ordinary nga pagtagad. Ang ubang mga bata nga walay igong kapasidad nga makalangkat og honors ang dili mahatagan og igong pagtagad mismo sa ilang mga ginikanan. Kining maong matang sa sistema ang gihimong matang sa sistema sa katilingban karon. Survival for the fittest matud pa nila. Mao nga ang negatibong panlantaw sa kaugalingon ang nahimong sistema sa kadaghanan kay ang katilingban mismo ang wala mohatag og igong pagtagad sa mga “huyang” ning atong katilingban. Angay matngonan nga ang pagtahod sa kaugalingon wala magsukad sa talento o kapasidad sa usa ka tawo. Kini tungod kay ang tawo angay tahuron dili sa iyang mahimo kun dili sa iyang pagkatawo mismo.

3. Ang kinaiyang gipakita – Diin kun ang usa ka ginikanan nahimong indifferent ngadto sa iyang anak ang makapahimo sa iyang anak nga mosinati og ubos ang pagtan-aw sa kaugalingon, nasinati niya nga wala siya’y bili ug wala siya’y kahulogan sa iyang mga ginikanan. -- Sumpayan pa