Ikaw ingon nga ginikanan

b. KASINATIAN. Daghan ang walay aktwal nga kasinatian uban ang mga bata sa ilang kinabuhi. Wala kini magpasabot nga kinahanglang mamahimo kang inahan o amahan aron makasabot ka sa kalibutan sa kabataan. Daghang mga tawo ang walay personal touch kun unsaon pag-atiman ang mga kabataan sanglit, ila ra mang isalig ngadto sa mga yaya o katabang ang pag-atiman kun ugaling aduna sila’y kabataan sa ilaha.

c. INTERES. Kapoy sa tinuod ang pag-atiman og bata. Hasol ug komplikado labina kun maghisgot kita sa mga mahinungdanong pamaagi sa pag-atiman gikan sa pagpakaon, pagkaligo, pagpainom sa mga bitamina o tambal, sa mga higayon nga ang bata masakit. Ang pagtimpla og gatas o ang pagpasuso sa bata kun kini gutomon, sa panahon nga kini dunay tantrums o sa mga higayon nga kini saputon. Mao nga daghang mga tawo karon ang dili ganahan og bata. Bisan maka-afford dili buot og daghang anak kay lagi, hasol ug sagabal diha sa ilang tagsa-tagsa ka mga careers ingon nga mga propesyonal o uban pa.

d. EKONOMIYA. Gasto ang dunay bata sa tinuod lang mao nga kun ugaling ikaw buot manganak mahinungdanon usab nga imong timbang-timbangon ang imong ekonomikanhong kahimtang kun kini makasugakod ba aron matubag ang mga panginahanglan sa imong mga anak.  --Sumpayan pa