Sa ngalan sa anak Pasiuna

Sayon ra kaayo himoon ang bata dili ba? Apan sa tinuoray lang dili lalim ang pag-atiman ug pagpadako sa usa ka bata aron mamahimo siyang tawo ug dili lang tawo-tawo. Daghang mga nangaminyo apan sa tinuoray lang ang wala maandam aron mamahimong ginikanan. Mao nga daghang mga ginikanan ang nagtuo nga ang pagka-ginikanan nagasukad lang sa paghatag sa mga nag-unang panginahanglang materyal sama sa pagkaon, kapuy-an ug uban pa. Apan kun buot hunahunaon kini kulang pa kaayo. Nagkinahanglan kini og usa ka malangkubong panaw dili lang sa bata kondili hasta na usab sa iyang mga ginikanan ug mga igsuon. Mao nga sugo ning maong panginahanglan atong ipunting ang atong pamalandong ning maong isyu kalabot sa pagmatuto sa atong mga kabataan ug mga kabatan-onan. Ang mga ideya ning atong pamalandong kasagaran atong gikutlo sa libro ni Nancy Van Pelt: TRAIN UP A CHILD.

Mga Pangutana nga angayang Tubagon

1. Unsay imong pagsabot sa pagka-ginikanan?

2. Unsay imong mga kasinatian niadtong bata ka pa? Nakatabang ba ang maong kasinatian aron ikaw maandam sa imong tawag karon ingon nga usa ka Amahan o Inahan?

3. Unsang mga hiyas nga imong nahuptan aron ikaw pagatawgon nga usa ka maayong ginikanan?

4. Unsa ang imong mga kahadlok karon nga ikaw usa na ka ginikanan?

5.  Nganong gusto ka man og anak? -- Sumpayan pa