Mga matang sa pagkawala

a. Pagkawala sa materyal nga butang.

Kini ang naglangkob sa mga dapit, gamit,balay, o mga hayop nga mahinungdanon kaayo  alang kanatong mga tawo. Ug kay mahinungdanon man, sakitan kita kun sila mawala o malaglag.

b. Pagkawala sa usa ka relasyon o kalambigitan.

Naanad kita sa pagkanaa sa maong tawo nga atong ikauban ug ikahinabi sa kanunay. Mahimo nga ang maong karelasyon wala gyud makatabang kanato, apan dako kaayo kini og epekto sa atong pagkatawo nga tungod niini, kita magpangita niini ug hidlawon niini.

c. Pagkawala sa panlantaw mahitungod sa kaugalingon.                               Mahitabo kini kun mawala ang usa ka bililhon o mahinungdanong panlantaw mahitungod sa kaugalingon. Ang posibilidad nga ihiklin ang bisan unsang damgo o pangandoy alang sa kaugalingon. Sama pananglit sa imong sekreto o tinagoan mahitungod sa imong kaugalingon.

d. Pagkawala sa imong pulos

Nagpasabot kini og pagkawala sa imong gahom nga mobuhat og mga butang nga ikaw ra o bisan unsang mga butang o lihok nga nagpakita sa imong kusog ug personal nga gahom. Sama pananglit nga usa ka tawo nagpatina sa iyang giuban nga buhok nga mao ang simbolo sa iyang kabatan-on o gahom.

e. Pagkawala sa imong kaakuhan.

Gumikan sa mga panghitabo nga dili kalikayan apil na niini ang proseso sa pagkatigulang, ang sanglitanan niining maong posibilidad sa pagkawala. Ang usa ka inahan ang dili na makalihok sa iyang tahas sa pagka-inahan gumikan sa iyang balatian. Ang usa ka mananambal nga nakasinati og pagkawala sa iyang kaugalingong kaakuhan sa panahon nga siya mismo ang nalandig sa tambalanan. Kini tungod kay daghan kanato karong mga panahona ang nagtuo man nga ang atong panagway ug pagkatawo ang mag-agad pud o masukod sa atong tagsa-tagsa ka mga kaakuhan diha sa atong katilingban.

f. Pagkawala sa sistema

Diin matag usa kanato adunay naandang sistema o han-ay diha sa atong kinabuhi. Pananglitan, naanad kita nga diha sa panimalay ikadungan nato'g kaon ang atong igsuong babaye. Apan sa dihang ang maong igsuon naminyo ug gidala sa iyahang bana ngadto sa ila, nakasinati kita og kahaw-ang gumikan sa pagkaguba sa naandang sistema sa pamilya nga mao ang pagkaon uban sa maong igsuong babaye.