Brgy Poblacion, Liloan, Cebu

“Among hangyo sir Jun bahin aning grabing trapik eskina sa simbahan tungod sa mag-parking nga mga tricycle panahon sa gabii duol ra man unta ang traffic office diha pero wala man gyu’y nakabadlong.”

BRGY MASABA, DANAO CITY

“Diri sa lower naghitak na gyod ang shabu daghan na mga batan-on ang moapil pagsuyop, palihog mog aksyon kay mga polis diri mura’g wa may pakabana aning problemaha ambot unsay rason nila.”

BRGY TAGAYTAY, CARCAR CITY

“Among karsada diri grabe na ka bati lubak-lubak na kaayo unya midahili pa ang kilid misamot ka lawom ang agianan kuyaw sa disgrasya kay dangog man kaayo, maayo unta ayuhon na kini.”

BRGY HAGNAYA, SAN REMEGIO, CEBU

“Dako ang among pasalamat sa mga opisyales sa among lugar kay ila na gyud intawon gilimpyohan ang baho nga kanal diri sa pantalan human namo gireklamo nimo ang problema, salamat kaayo Sir.”

BRGY SAN JOSE, CATMON, CEBU

“Pasalamat lang mi sir Jun nga hapit na gyud mahuman ang pag-atop sa among basketball court diri sa among barangay hinaut nga magpadayon ang tabang aron daling mahuman ang proyekto.”

BRGY LAGTANG, TALISAY CITY

“Sa Ilang-ilang street kusog gihapon kaayo ang masiao wala gihapon masumpo sa kapolisan pinangulohan sa bag-ong hepe sa kapolisan hinaut maaksyonan dayon kini kay daghan na ang nabuang ani nga sugal.”

BRGY LUTAC, CITY OF NAGA

“Sa amua dapit sir Jun sa may Taytayan ngitngit kaayo kay wala gyud ilisi ang naponder nga bombilya sige man unta agi ang mga opisyales namo sa barangay pero wala gyud mihimo’g aksyon.”

BRGY MAMBALING, CEBU CITY

“Sa Alaska sir Jun amo lang ireklamo kining mga estambay diri nga kusog manghingi sa mangagi unya kun dili ra ba hatagan masuko atangan gyod ka, matag gabii na sila diha sa may eskwelahan.”

BRGY SUBANGDAKU, MANDAUE CITY

“Sa Gothong road grabe  na kaayo ang sugal ang mga polis ray bantayan naa na sila dapit sa luyo daplin sa sapa grabe na sila motago hangtod magtiayon mag-away tungod sa way hunong nga sugal.”

BRGY SAN MIGUEL, SAN REMEGIO, CEBU

“Sir Jun bati kaayo ang among karsada dagko kaayo ang libaong ug kanal wala pa gyod ni maaspalto sige lang saad ang mga opisyal namo sa lungsod daghan na ang nangalamba nga mga motor diri.”

BRGY MANTUYONG, MANDAUE CITY

“Naay basketan diri bisag gabii na daghan gihapon kaayo ang magduwa nakahasol na kaayo diri kay pwerte namang sabaa dili man sila makamaong mosabot sa ubang tawo nga nagpahuway.”

BRGY CANDAGUIT, SIBONGA, CEBU

“Ambot lang ani sir Jun sa kapolisan diri sige mag ingon nga way tigbakay nga katulo ka higayon matag semana himuon diri sa among barangay bisag way fiesta, maayo unta makahibawo ani si General Garbo sir Jun.”

Alang sa inyong mga reklamo text lang sa 09071678643