Mga Pahimangno Gikan sa Rituale Romanum

19. Kun ang biktima usa ka babaye, mas matarong ug haom nga dunay mga babaye kang kansang kinabuhi, dalaygon ang motambong aron mogunit o motabang sa biktima. Himoon kini aron paglikay sa bisan unsang dili haom nga mga panghitabo o panahom ni bisan kinsa.

20. Sa paghingilin sa Yawa, kinahanglang gamiton sa eksorsista ang Balaang Sugo ug dili ang Sugo ni bisan kinsa. Iyang mandoan ang Dautang Espiritu nga mopadayag kun sa unsang paagi siya nakasulod ug kinahanglan nga siya isuka  sa biktima. Hinuon mas maayo nga ang biktima diha sa pagkompisal ang mosulti ngadto sa eksorsista kun sa unsa ang iyang mga kahuyangan. Kini aron matabangan ang eksorsista ug mga kaubanan sa pagtino kun unsang espirituha ang nihatag og kadaot ug panghasi sa biktima.

Ikapitong hilisgutan

Ang Proseso nga Angayang Sundon sa mga Eksorsista

1. Ayaw Kahadlok. Karong mga panahona, maihap ra sa tudlo ang mga eksorsista. Daghang mga kaparian karon (Dyosesano man o Relihiyoso) ang walay pagpakabana o dili man ugaling, walay interes o kaikag nga magtuon ning maong hilisgutan. Alang kanila si Satanas usa ka simbolo lamang. Sa laing bahin, ang uban bation og kahadlok kun kining mga butanga na ang hisgutan. Mao nga karong mga panahona, nihit ang buot mamahimong eksorsista ug nihit na usab ang buot makigharong sa mga suliran nga dunay kalambigitan sa panghasing yawan-on.

2.Pagsul-ob sa estola kang kansang bulok ubihon o morado ug alba. Giingon pa sa Roman Ritual: “Superpellitio et stola violacea indutus.” Wear an alb and a purple stole.” Sa unang bahin sa pag-ampo: Ecce Crucem Domine, fugite partes adversae.” Ang eksorsista gisangonan nga: imponat extreman parte stolae ejus” (Having made the sign of the cross, place the ends of the stole around the victim’s neck). Matud pa ni Fr. Jojo Zerrudo: “Ang estola simbolo sa gahum sa pari nga gitugyan sa Simbahan.”