Pagpamalandong alang sa Malangkubong Kaayohan

Ikalimang hilisgutan: Ang proseso sa dili pa himuon ang eksorsismo

PAHIMANGNO

1.Kinahanglang dokumentado ang ritwal o sesyon (videotaped) alang sa mga legal nga katuyoan. Mahimo usab kining magamit alang sa dugang pang mga impormasyon sa umaabot.

2. Kinahanglang anaa ang mga porma sa pagtugot gikan sa biktima o sa pamilya niini sa dili pa himoon ang proseso.

q. Giyahan ang biktima nga mamahimong makapunting kang Jesus lamang ug dili sa pundok nga nitabang kaniya pinaagi sa eksorsismo ug sa pagpalingkawas.

Ang Pakigsangka/Pakigbisog batok sa Yawa

1. Mga Hinanaling Pagpangandam

a. Pag-ampo. Diin ang eksorsista ang mangaliyupo ngadto kang Jesus, kang Mama Maria, ug sa tanang mga Santos nga motabang kaniya ug sa iyang mga kaubanan ning maong pakigsangka. Iyang tawgon ug sangpiton ang mga anghel labina gyud si San Miguel Arkanghel.

b. Pagpangadye sa mga pag-ampo sa panalipod alang ni bisan kinsa nga nalambigit sa maong pagpangalagad ug sa biktima.

c. Pagdili sa espiritu nga makahigayon sa pagsangpit sa ubang mga espiritu ug sa ilang panabang. Ang eksorsista nagkanayon ning mosunod:”Pagadid-an ko ang bisan unsang matang sa pakigkukabildo sa mga espiritu sa ngalan ni Jesu-Kristo ug pagasilyohan ko kining lawak ug dapit sa dugo ni Jesu-Kristo!”

d. Ang matag miyembro ang mamahimong mobungat sa dayag nga paagi sa mga pag-ampo alang sa kalampusan sa ritwal. Makatabang kini aron mas mapalig-on pa ang disposisyon sa matag usa. Himoon kini ingon nga pag-ampo sa dili pa himoon ang pag-ampo sa eksorsista. Sumpayan pa