Semana Santa sa Bantayan

Ang selebrasyon sa Semana Santa sa Bantayan mas dugukan og daghang mga tawo diin kadaghanan niini mga langyaw ug dayo kay sa adlaw sa kapistahan niini sa Hunyo.

* * *

Mabulokon kaayo ang kasaulogan sa Huwebes ug Biyernes Santo sa Bantayan. Ang main attraction sa maong kasaulogan mao ang gitawag nila nga paso kon pasos diin mga  20 ka karosa nga nagdala og nagkalain-lain nga mga imahen sa Santos ang iprosisyon.

* * *

Dili lang mga komon o ordinaryong mga karosa ang makita sa libuan ka mga tawo kundi mga karsosa diin ang mga imahen sama kadagko sa buhi nga mga tawo ug mga obra maestra kini sa mga batid nga eskultor sa isla.

* * *

Laing attraction atol sa prosisyon mao ang mga bata nga gisul-oban og sapot sa mga santos nga pinili sa ilang ginikanan.

* * *

Pananglitan kun ang usa ka bata nasakit, mosaad ang iyang mama nga kun mamaayo na ang maong bata pasul-oban kini sa sapot sa santos nga gipangaliyahan sa inahan. Busa daghan tang makita sa kadanan og mga bata nga nagsul-ob og mga sapot sa nagkadaiyang mga santos nga maoy giampoan sa ilang mga ginikanan dihang nasakit sila.

* * *

Salamat kang Mrs. Lydia Trias sa iyang input ning atong lindog niining adlawa.

* * *

TRIVIA. Belated Easter greetings sa atong mga readers diha sa Calamba ug Katipunan. Daghang salamat sa inyong nagpadayong suporta sa Banat News.