Pagpamalandong alang sa Malangkubong Kaayohan Hinumdom

3.4. MGA PRAKTIKAL UG PASTORAL NGA KONSIDERASYON MAHITUNGOD SA HAUNTED HOUSE[5]

1. Kun ang balay nga imong balhinan ang napuy-an na, mahinungdanon kaayo nga sutaon una kun kinsa ang unang mga okupante niini.

2. Kun aduna kay pagduda sa maong balay hangyoa ang pari nga mag-ampo sa  prayer of deliverance una ang pag-ampo sa panalangin kon blessing.Hinuon, dili kini siya ang matawag natong kasarangang pamaagi busa hangyoa ang maong pari.

3. Gikinahanglang mabendisyonan ang maong balay sa mas madaling panahon ug nga himoon usab ang pagkonsagrar sa banay nga nagpuyo niini ngadto sa mahal nga kasingkasing ni Jesus ug pulti uyamot nga kasingkasing ni Maria.

4. Hangyoa ang pari nga mohimo og bendita alang sa kagamitan sa panimalay. Himoang ritwal ang pagbendita sa panimalay kausa sa semana uban ang pag-ampo ug pagtuo, pagbendita sa lawak sa dili ka pa matulog.

5. Gikinahanglang dunay mga relihiyosong mga imahen sa panimalay sama pananglit sa krusipiho sanglit, nagtimaan man kini nga ang maong balay, gipanag-iya sa Dios.  Ibutang ang krusipiho sa matag pultahan/ganghaan. Mahimong gamiton usab nimo ang cross of St. Benedict o dili ba kaha ang St. Benedict’s Medal.

6.  Gisugyot ang makanunayong pag-ampo sa banay adlaw-adlaw. Mahinungdanon kaayo ang pag-ampo sa Santos nga Rosaryo. Mahimong magamit usab ang mga pag-ampo sa libretto: “St. Michael’s Book of Deliverance.”

7.  Dili lang himoon ang pagbendisyon sa balay kun dili ang pag-ampo usab ug pagpanalangin sa pari sa mga nagpuyo ning balaya.

8. Kun ugaling ang mga dautang espiritu ang magmagahi sa pagbiya sa maong dapit o balay, mahinungdanon nga himoon ang subling “DELIVERANCE PRAYERS” aron papahawaon sila o dili ba kaha ang paghimo og usa ka HOUSE EXORCISM nga pagadumalahon sa AUTHORIZED EXORCISTS.

9. Kun ikaw nahimong abli sa “kalibutan sa mga espiritu” mahinungdanon kaayo nga magdala ka’g bendita kun ugaling matulog ka sa usa  beach reasort, o pension house. Si Francis McNutt nagkanayon: “People who are afflicted with evil spirits, seems to leave something behind in places they have visited.”

10. Mas haom nga imong duolon ang pari nga gihatagan og faculty sa exorcism o pari nga dunay kahibalo ug kasinatian ning maong problema.

11. Ayaw pagduol sa mga tambalan nga morekomendar dayon sa paghalad og mga halad sakripisyo sama sa padugo o pagdiwata ngadto sa mga elemental spirits sanglit sama ra nga imong gikonsagrar ang maong dapit ngadto sa mga demonyo.

4. DEMONIC POSSESSION- “Hingyawaan”, Giangkon, Gipuy-an. Ang estado diin ang yawa o demonyo nihimo og usa ka pagdumala sa lawas sa usa ka tawo nga walay pagtugot gikan niini. Diin human ang tawo mahuwasan siya walay kalibutan sa mga panghitabo. Kining maong matang sa pag-atake ang panagsa ra mahitabo apan sa laing bahin maoy pinakakuyaw ug pinakagrabe sa tanang mga pag-atake. Mao nga gamiton na dinhi ang Solemneng Eksorsismo diin ang natahasan nga eksorsista segun sa mando sa Canon 1172, ang makahimo lamang niining maong ritwal ginamit ang Roman Ritual.