Unsa may tinuoray nga relihiyon?

Isip tawo nga nagpakabuhi ning kalibotan, makatuo gyod kita nga adunay Magbubuhat o Diyos nga nagmugna sa hangin, yuta, mga kabukiran, mga tanom ug mga kahayopan.

Ning tanan, makapangutana kita: Unsa may tinuoray nga relihiyon sa kalibotan?

Ang mga Katoliko moingon nga ang ilang relihiyon maoy tinuod kay gitudlo ni Hesukristo si Pedro isip unang Santo Papa sa Vatican, Roma. Samtang ang Iglesia ni Cristo moingon usab sila ang tinuoray nga relihiyon kay hugot silang nagtuo sa Diyos Amahan isip Makagagahom sa tanan.

Si Allah usab ang giilang Ginoo sa mga Muslim ug sa mga Hapon mao si Shinto. Mahitungod sa mga Sabadista hugot silang nagatuo nga Sabado gyod ang adlaw’ng igpapahulay. Si Joseph Smith ang gituohan sa mga Mormons nga maoy tinuoray nga propeta sa kalibotan.

May mga relihiyon nga ginganlan og Hare-Khrisma ug Born-Again Christian sa atong palibot karon. Dili malimod ug malalis nga wala pay tawo nga namatay ug mibalik dinhi sa kalibotan ug nagsulti kanato sa tinuoray gyong relihiyon.

Maayo pa tingali kun asang relihiyona kita karon nga mahisakop magmatinud-anon na lang gyod kita pinasubay sa gimbut-an sa atong Constitution kon Batakang Balaod nga adunay freedom of religion ang matag-usa kanato samtang buhi pa kita ning kalibotana!