Mga hinungdan sa kasuko

Ang kasuko maoy usa ka pagbati o emosyon nga masinati sukad sa atong pagkahimugso nga nahimong timailhan sa himsog nga bata hangtud na inigka-hamtong nga may nakat-onan diha sa iyang mga kasinatian sa kinabuhi.

Nasaypan sa pagtoo nga kining kasuko mahimo lang makontrolar pinaagi sa hugtanong pagpugong sa kaugalingon. Hinoon, ang pagdala sa mga problema, mahimong timailhan kini nga may mas daku pa nga angay natong tugkaron.

Ang kakulang sa tulog mopataas sa presyur sa dugo. Morag permi ta anaa sa kainit sa ulo nga dali masuko. Tandogon nga sapoton o bikilonon ang buot.

Ang pag-inom sa tambal ilabina anang mga sentetik, aduna ka nay sayd epek. Ang subra o di mao nga alang sa sakit, makapasamot sa bationg kasuko.

Ang sobrang kahago sa utok o pisikal, tungod sa di maayong relasyon sa pamilya o trabaho. Hinungdan sab ni sa kasuko, nga inanay mahimong balatian.

Ang kahilomon sagad niini putong ug dali masuko. Kay maoy pagsabot sa anaa sa isip niya nga makadaut siya sa uban. Kanunay managana sa buhaton.

Ang kasagmuyo o depresyon, natural kini masinati sa kinabuhi. Apan sa uban di kaagwanta sa pagdawat sa kapakyasan busa ang kasuko maoy mabati.

Ang pagpaka-aron-ingnon usahay ang bation nga kasakit, pagbangutan,  kamingaw, ug kaguol, iluom na lang apan kuyaw kun di kapugngan ang kasuko.

Ang biktima sa abuso nga maoy nadak-an, kanunay anaa sa utok ang nasinating dautan sa kinabuhi. Ang ka-aburido, maoy permi mopabilo sa kasuko.

Kitang tanan adunay nagkalain-laing kasinatian nga nakapahimo nato nga masuk-anon. Basin di maayo ang pagdala nato niini, busa mas maayo mobisita kita sa sekayatris aron magiyahan o matudloan alang sa kahimsog sa panglawas.