Tagilma ang uyab

Nakahigayon kita og basa sa mga suwat nga gipada sa mga batan-ong babaye sa usa ka magtatambag sa gugma ug medyo na-shock ta sa mga problema niining mga batan-on tang kaigsuonan.

* * *

Naay usa ka 15 anyos nga dunay lima ka hinigugma. Gipamabdusan siya sa usa niini kanila, kinsa wa siya makaseguro kun hain niining lima ang amahan gayud sa iyang gisabak.

* * *

Naa say 15 anyos nga lalaki kinsa mitug-an og tulo ka buok ang uyab. Namabdos ang duha ug karon nagtago-tago na kining batan-ong lalaki kay gipangita sa ginikanan sa babaye.

* * *

Kining maong panghitabo wala unta mahitabo kun duna pay guidance ang mga batan-on, matud pa ni Padre Anselmo. “Galing lang kay wa may mogiya kanila diha sa publikong tunghaan,” matud niya.

* * *

Misugyot si Fr. Anselmo (apelyido gipugngan) nga ipaubos og social guidance ang kabatan-onan sa atong mga eskuwelahan. Susama ba kuno sa mga exclusive religious school didto sa Metro Manila.

* * *

Mga 15 anyos nga babaye dili uno makauyab og tagilma ka buok kun dunay ga-advise kaniya. Kay ang mga ginikanan niining mga batan-ona busy man sad to pag-atubang sa kinabuhi ug mao nga mapasagdan na lamang kining mga bataa.

* * *

TRIVIA. Maayong buntag sa atong mga readers diha sa Cebu North Bus Terminal ug sa mga dapit palibot niini. Salamat sa inyong suporta sa atong Banat News.