Ang gaba ug ang tawhanong kagawasan

MARSO 3, 2013:  Ika-tulong Domingo sa kwaresma

Mga Pagbasa:  Ex. 3;1-8a,13-15/Sal. 103/1Cor. 10;1-6,10-12/Lk. 13;1-9

Ang kinabuhi dunay Cause and Effect nga sitwasyon. Kun unsay imong gibuhat adunay linugdangan sibo sa imong gibuhat. Mao nga tinuod ang kaluwasan gihatag ingon nga libre sa Dios ngadto sa iyang katawhan, apan sa laing bahin, mahinungdanon usab kaayo ang pagpili.

Mahinungdanon kaayo nga pilion mo ang dalan nga nagdala kanimo sa imong kaluwasan. Kun ang tawo malaglag, nagpasabot usab kini nga gipili niya ang dalan sa kalaglagan. Kun ang Gaba matud pa sa uban karma niabot sa kinabuhi sa usa ka tawo walay laing mabasol niini kondili ang tawo gyud mismo. Kay ang Dios dili usa ka mapungtanong Dios.

 Usa siya ka Dios nga dunay dakong pagtamod sa tawhanong kagawasan. Usa siya ka Dios sa mga daghanang Kahigayonan kay lagi dili siya buot nga mamatay ang tawo sa kamatayon ingon nga usa ka masalaypon.