Motaas ang kinabuhi

Medyo may katinuoran baya kun atong sination kining atong nabasahan nga napatik sa igsuon tang nasyonal nga tabloid, nga sumala pa adunay naghimo og talagsaon nga pagtuon mahitungod kun ngano ug unsay nakapataas sa kinabuhi. Kini karon ang atong hisgutan, ang ilang mga nadiskubrehan.

* Kanunay nga nakapahiyum. Gibase nila kini sa pagtoon nga gihimo didto sa Wayne University pinaagi sa pagtan-aw sa karaang mga retrato sa mga players sa propesyonal baseball. Ilang napanid-an nga kadtong nipahiyum, mas taas ang kinabuhi itandi sa nagmug-ot. Gitoohan sa nagduki-duki nga ang pagpahiyum maoy timailhan sa bug-os nga kalipay sa usa ka tawo. Dili ikalimod nga ang kalipay dako’g natabang sa tawo nga mahimsog ang lawas ug kaisipan.

* Ang initials sa ngalan nga may positibong kahulugan. Kini gitibuok sa unang letra sa ngalan, middle ug apelyido. Sa ma ani, VIP.. LUV.. WIN.. GOD.. ug uban pa. Segun sa pagtuon, mas taas og 4 ka tuig ang kinabuhi sa mga tawo nga may positibong initial kay sa niadtong may mga negatibong initials.

* Magtiayon o minyo. Sa mga pagduki-duki sa University of Rochesters, ang tawong malipayon sa kaminyoon, naninguha malikay sa mga bisyo aron malayo sa sakit. Pun-an pas di matukib-kalipay nga nagpahimsog sa kasingkasing niya.

* Medyo sobra sa timbang pero di subra katambok. Nadiskubrehan ni David Feeny- mas taas ang kinabuhi sa medyo tambokon kay igka-edaran may reserba pang timbang. Sa sobra katambok ug kadaut, dali ra mataptan sa mga sakit.

* Makapataas sa kinabuhi ang pagbaton og pagtoo sa Dios. Matinuohon.

* Daghan og tinuod nga higala. Mahigalaon. Dili lang tungod kay barkada.

* Hingatawa nga komedyante. Nga hinan-aw og mga salida nga kataw-onon.