Eskandalo

Adunay usa ka pundok sa mga inahan nga misanong sa hangyo ni Mayor Mike Rama nga hunungon ang pagkatap sa istorya kabahin sa sex scandal diin usa ka estudyanteng babaye ang nalambigit.

* * *

Ang maong sex scandal  mga cyber text kuno ang tinubdan mikatap na ron sa tibuok komunidad ug nakahatag og dakong kauwaw sa maong  estudyante ug sa iyang pamilya.

* * *

Ang maong pundok sa mga inahan pulos sakop sa usa ka Catholic Charismatic Community. Suma pa sa atong tinubdan, ang mga inahan nagsugod na og pangadye ug pag-ampo alang sa kalinaw sa hunahuna sa estudyante ug sa iyang banay.

* * *

Si Mayor Mike Rama mihangyo ngadto sa mga dunay cellular phone o Internet sa pag-delete kun pagpapas sa esena nga maoy gikagubtan karon ug nakahatag og dakong kauwaw dili lang sa dalaga kundili sab sa iyang pamilya ug sa eskuwelahan diin siya nagtungha.

* * *

Ang lalaki nga gikapares sa dalaga gihangyo usab sa gihisgutang pundok sa mga inahan sa pagtabang sa pagpahunong sa eskandalo. Sa pagkakaron ang mga inahan wa pay gibasol nga mga tawo kalabot niining dakong eskandalo.

* * *

TRIVIA. Maayong buntag diha sa atong mga higalang magbabasa sa Kapitolyo ug mga dapit palibot niini. Salamat sa inyong suporta sa Banat News.