Brgy Sta Rosa, Lapulapu City

Ako lang ipaabot sa mga suking tigbasa sa Banat News labi na kadtong mipadangat sa ilang mga reklamo ug suhestiyon diri sa akong column kining tubag sa kapolisan sa mga reklamo nga akong napatik. Mipadala gyud nako og suwat si SSupt.  Patrocinio Comendador nga nagtubag sa mga reklamo. Una niyang gitubag mao ang reklamo kabahin sa rampant nga illegal drugs sa western poblacion, San Francisco-Camotes. Iyang giklaro nga drug free na ang maong lugar pinasubay sa ilang gihimong verification. Gihimakak usab sa kapolisan nga nagpadayon ang tigbakay sa brgy Pangdan, Naga City. Unya giklaro usab ni SSupt. Comendador nga legal ang gihimong quarry operations sa brgy Lutac sa siyudad sa Naga kay naay permit ang nagpahigayon sa quarry nga gi-isyu sa gobernador. Nagpasalamat ko sa Cebu Provincial Police Office sa ilang paghatag pagtagad sa mga reklamo nga gipadangat diri kanako.  Pero ako lang hangyuon kadtong mga mipadangat sa ilang reklamo labi na kining atong nahisgutan nga lugar pag-text nako kun tinuod ba ang pangangkon sa kapolisan nga wala na kining problemaha. Kun sa inyong personal nga kasinatian naa pa gihapon kini palihog ko’g padangat sa ngalan sa nagpayuhot sa illegal nga drugas sa western poblacion sa San Francisco ug ang nangulo sa tigbakay sa brgy Pangdan, Naga City kay ako mismo ang personal nga mohatag niini ngadto ni SSupt. Comendador.

 â€œSus grabe na gyud ning illegal nga drugas diri sa among lugar pero wala gyu’y gihimong aksyon ang kapolisan sa Olango Island ambot unsa kahay gipangbuhat ani huwat kun dunay alarma.”

Brgy Calumbuyan, Sogod, Cebu

“Ako lang ning ipadangat ang reklamo batok sa mga polis diri sa lungsod kay wa gyud mo-aksyon sa gihimong pagbato sa usa ka babaye nga paralize kay ang suspek sakop man sa guardians naluoy lang ko sa babaye sir Jun.”

Brgy Carreta, Cebu City

“Sir Jun unsa man ning garbage truck diri sa amo kay wala man gyud mangolekta sa mga basura labi na sa Ponce1 baho na kaayo halos dili na masingo ang grabe nga kabaho.”

Brgy Poblacion, Liloan, Cebu

“Hangyo lang unta mi sir Jun sa mga opisyal sa barangay ug sa lungsod nga aksyonan unta nila ning grabe kabaho sa hugaw sa hayop diri sa sitio Abokado kay dili na gyud namo maantos ang kabaho.”

Brgy Cambaro, Mandaue City

“Sir Jun naay pasugalan diri duol ra gyod sa barangay hall naa ra sa balay sila magsugal kaila kaayo ang konsehal aning nagpasugal gani nadakpan na ni siya sa una.”

Brgy Pagsabungan, Mandaue City

“Dugay na gyod ni namong antos ang tubig nga mura nag suba sa amo dapit wala nay kalutsan nahimo nang stagnant ang tubig, wala gyud aksyoni sa among mga opisyal sa barangay.”

* * *

Happy birthday nilang ANA MARIE VELIGANIO REMARCA ug YOO JIN VELIGANIO

Alang sa inyong mga reklamo text lang sa 09071678643