Kinabuhing malipayon

Sa pag-uli ni Pekto sa probinsiya nasugatan niya ang iyahang kababata nga si Renan. Ang Renan nga iyang gibiyaan 10 na ka tuig nga nilabay daw wala’y kausaban. Ang maya ug hapsay nga dagway nagpabilin, sukwahi kaniya nga natiguwang na. Ang mga tiil nga kangkang ug bisti nga yano dili sama kaniya nga pusturawo ug nagsul-ob sa mahalong gamit. Wala dayon kini makaila kaniya. Sa ilang pag-uban diha pa nigawas ang iyang mga talidhay ug matuod nga kamaya.

Ang mithi sa pagkab-ot sa mga pangandoy, kabtangan ug gahom nga kalibutanon mao usahay mahimong babag sa pag-angkon sa kinabuhing malipayon. Wala gyu'y kalinaw ang kanunay mangindahay sa huna-huna mao ang butang nga temporary ra. Sa kanta pa sa  Asin nga "dahil ikaw ay tuldok lang".

Pagpuyo sigon sa imong maabot, sa  panalapi, sa pangutok ug panglawas kay pinaagi niini ang pagkakontinto sa kinabuhi imong maangkon. Pinaagi niini ang kahasol malikayan, sa maong paagi malikay ka sa sakit ug may higayon pa nga  motaas ang kinabuhi.

"Enjoy while you live for death is the end of everything"