Gun ban violations

Gipahigayon ning panahuna ang election gun ban. Ang Comelec mimando sa maong gun ban panahun sa election 2013 nga himoon ning umaabot nga buwan sa Mayo.

* * *

Apan bisan pa sa maong gun ban, duna pay mga hitabong pamusil sa nagkadaiyang dapit sa nasud. Dinhi lang sa ato dili pa dugay dunay pagpamusil nga nahitabo sud sa Palace of Justice diin tulo  ang namatay ug usa ang naangol.

* * *

Didto sa Metro Manila adtong Sabado sa gabii nagpanik ang mga shopper sa usa ka shopping mall sa Mandaluyong dihang nagpabuto og pusil ang mga kawatan samtang nangiskapo human nakakawat og mga butang sa mga tindahan sud sa mall.

* * *

Niadto sang Sabado dunay gibalitang shootout atol sa pagpanulis og taxi diin ang taxi driver napusilan patay sa tulisan samtang ang duha ka tulisan napusilan patay sa mga polis.

* * *

Niadto sang miaging Biyernes sa gabii usa ka businessman napusilan patay didto sa may usa ka kan-anan sa Ermita, Manila.

* * *

Ug unya didto sa Malabon, Metro Manila, dunay usa ka polis nga gi-arestar gumikan sa gun ban violation. Nagdumili sa pag-surrender sa iyang pusil mao nga gipasakaag kaso sa korte ug nakabayad og P12 mil nga piyansa.

* * *

Pipila ra kini sa mga kaso sa election gun ban violation. Apan igo na kining pruweba nga kining gun ban dili gyud mapatuman sa hingpit tungod kay naay mga armas nga loose kon dili lisensiyado.

* * *

TRIVIA. Maayong buntag sa atong mga higala diha sa may pantalan, Pier Uno, diin naay daghan tang mga magbabasa nga trabahante. Salamat sa inyong suporta sa Banat News.