Matud pa ni Leah Darrow

Usa siya ka kandidata sa America’s Next top model. Usa ka convert ug International speaker. Matud pa niya: “It is pretty simple: Love never uses, love gives all, it does not hold back, it never takes  (cf. Henry Bocala: Mending A Broken Society P.7).

Ang maong panlantaw ug panahon makatabang kaayo diha sa pagsusi sa atong tagsa-tagsa ka pagsabot sa paghigugma ug GUGMA. Dili kini praktikal nga pagginamitay sa usag-usa. Hinunoa, usa kini ka paghinatagay ug pagpaambitay sa atong mga kaugalingon ngadto ni bisan kinsa ug sa bisan unsa nga atong gihigugma ug pagahigugmaon.

Adunay agianan ang matag gugma sibo sa iyang dagway ug kahimtang apan iyang padulngan ug tumong mao si Jesukristo ang konkretong gugma sa Dios alang kanato. Mao nga pangitaon nato ang ganghaan ug kahimtang nga makapaduol nato ngadto sa Dios: Kaminyoon? Parianon ug Relihiyusong Kinabuhi? o pagpabiling ulitawo/dalaga?  Apan alang kanako mas haom nga sundon mo ang pinitik sa imong kasingkasing uban ang pagdason sa imong hunahuna.