Hunongon na unta

Usa ka college professor sa Manila kang kansang kagikan mga lumad nga Sugbuanon, mi-propose nga hunongon na ang pagdala sa mga turistang langyaw sa mga dapit nga “bypassed by civilization.”

* * *

Gipakuyog kuno siya sa usa ka grupo sa mga turista didto sa usa ka labing backward nga dapit sa Mindanao diin ang mga lumolupyo hapit nanaghubo na, lalaki’g babaye.

* * *

“Embarassing kaayo,” matud pa niining propesora. “Nauwaw kaayo ko dihang nangaon ang usa ka pamilya og sinangag nga lagong nga ilang gisibot sa patay’ng lawas sa kanding.”

* * *

Laing sud-an sa mga pobreng bukidnon mao kuno ang dagkong wati (earthworm) nga ilang gikoykoy sa lapok duol sa tangkal sa baboy. “Ngilngig kaayo tan-awon apan mas gikauwaw ko sa mga turista nga nakakita niini,” matud pa sa propesora.

* * *

“Namatikdan ko nga nangilngigan sab ang  pipila sa mga turista kay manampong sa ilang mata ug ilong inighungit na sa mga pobreng lumad,” matud pa sa propesora.

* * *

Nanghinaut ang atong paisanang propesora nga hunongon na kining naandang praktis diin ipakita sa mga langyaw’ng bisita ang “embrassing nature” kon kinaiya sa atong mga kaigsuonan nga matud pa na “left behind” sa sibilisasyon o ba kaha tungod sa katimawa.

e

OK ra kuno nang mga nagbahag nga mga taga Mountain Provinces kay dili man “revolting” sa “senses” sa mga langyaw. Apan kana kunong pagkaon sa mga sud-an nga dili kan-onon sa sibilisadong mga tawo hunongon na unta, matud niya.

* * *

TRIVIA. Greetings ug best wishes sa atong mga higala diha sa Cantabaco, Toledo City, ug kasikbit nga mga dapit. Daghang salamat sa inyong suporta sa Banat News.