Daghang wa’y CR
Moderno na ang tanan ning kalibutana. Giingon nga minilyon sa atong mga kaigsuonang Pinoy dunay cellphone, duna say access sa Internet, may mga Facebook account pa ang uban. Moderno na tang mga Pinoy. Apan...
* * *
Apan taliwala sa maong pagka-moderno, 26 milyon ka mga pamilyang Pilipinhon walay access sa moderno usab nga kasilyas. Ang tinuod kadaghanan ning 26 milyon ka Pinoy dili kay walay moderno nga kasilyas kun dili wala gyud sila’y kasilyas.
* * *
Naay mga namuyo duol sa shopping malls, diin ang CR kun kasilyas niining maong malls maoy gihimong ilang personal nga CR.
* * *
Dunay usa ka molupyo sa usa ka squatters area duol sa usa ka dakong mall diin matag buntag iyang kuyogan ang iyang bisita sa maong mall aron motubag sa sugo sa lawas.
* * *
Ang gobiyerno nagsige og kampanya diha sa mga dapit diin ang mga pobreng lumolupyo giawhag sa paghimo og kasilyas, apan wa’y ayo. Kinsa gud sa mga iskuwater ang dunay ikagasto sa paghimo’g kasilyas, pangutana sa usa ra sad ka iskuwater.
* * *
Hangtud nga dili pa makaangkon og kasilyas ang mga namuyo sa slum areas, matud pa sa usa ka barangay health personnel, “magpadayon kita sa pagkinto inigsud ta sa slums aron dili ta makatunob og bomba.”
* * *
TRIVIA. Malipayong Pasko sa atong mga higala diha sa paradahan sa tricycle ug jeep sa Liloan ug duol nga mga dapit niini. Daghang salamat sa inyong suporta sa Banat News.
- Latest
