Ang kaepektibo

Pagpamalandong alang  sa Malangkubong Kaayohan

Ang drayber ug ang magwawali nagdungan og kamatay. Sa pag-abot nila sa may ganghaan sa langit gisugat gilayon sila sa anghel nga nagdala sa ilang mga gamit. Nadawat sa drayber ang maanindot nga mga butang  samtang ang magwawali mga yanong  kagamitan ug simple nga lawak. Nangutana ang magwawali ngano nga ingon man ato ang iyang nadawat.

Matod pa sa angel. “Samtang nagwali ka ang imong magtutuo naglumba og pangatulog  samtang ang drayber nga nagpaturagas sa pagpadagan nakaagni sa mga pasahero sa walay hunong nga pag-ampo ug gani  puno ang mga baba sa paglitok og pasalamat sa Ginoo sa pag-abot sa ilang destinasyon.

Ang pagdawat og responsibilidad o katungdanan dili sayon kay anhi man masukod kung unsa ka kaepektibo sa maong gimbuhaton. Sama sa pagpangalagad . Kung ang imong tuyo para lang sa imong personal nga tumong ug tingusbawan mahimo kang salikwaot  sa mata sa mga tawo kay imbis makapalambo ka sa imong komunidad mahimo ka namang palas-anon sa ilang panaw alang sa paglambo ug ang resulta mao ang kaguliyang  ug walay kalinaw nga matagamtam.

“The true disciple of God works for  the glory and for the goodness of everybody”