Ang un Segundo

Ang last two minutes crucial kaayo nga momento sa basketball. Ang usa ka kuponan modaug o mapilde sud ining duha ka minutos.

* * *

Pero ang mas labing crucial moment sa bisan unsang isport, lakip na ang basketball, mao ang nahibilin nga usa ka segundo sa duwa. Dihay mga kuponan nag-una na sa duwa ug nagdahom kita nga mao nay modaug apan masuwertihan pang pildihon sud sa usa na lang ka segundo.

* * *

Sa PBA daghan nang nahitabo nga napilde pa ang mag-una sud lamang sa usa ka segundo. Sa basketball ginganlan kining one-second shot nga Hail Mary shot.

* * *

Daghan nang nahitabo nga nadisgrasya ang dumadaug sud sa usa ka segundo. Matud pa nga kuwarta na nahimo pang bato.

* * *

Si Manny Pacquiao nag-una na sa iyang away batok ni Juan Manuel Marquez apan wa lang damha na-knocked out sud sa naghinapus nga usa ka segundo sa round 6.

* * *

Busa ang mga player sa bisan unsang ballgame ug mga boksingero dili gyud angay nga mokompiyansa bisan nag-una sila sa naghinapos na nga duwa nga ilang giapilan. This single second can change the turn of events.

* * *

TRIVIA.... Merry Christmas sab sa atong mga higala diha sa Carbon market ug Freedom Park. Salamat sa nagpadayon ninyong suporta sa Banat News.