Unya

Matud pa sa bata ngadto sa iyang apohan, “Inig dako nako lo mag-engineer ko. Nya ? tubag sa apuhan. Mo abroad ko para daghan ko ug kwarta, “nya? dason na pod sa apohan. Palit ko og nindot sakyanan unya magpahimo ko og nindot nga balay, “unya”? matod na pud sa apohan. Maparehas ko nimo lo, ” unya? Nahilom ang bata  ug mitutok sa apohan ug wala nay pulong nga nasulti.

Kadaghanan karon sa mga tawo ang mga material nga butang mao kanunay ang tan-awon, ang tanan buhaton aron makab-ot ang tagsa-tagsa ka pangandoy sama sa gipamulong sa bata. Usahay dili na gani tagaan og higayon ang kaugalingon sa pagpahulay kay lagi ania man kita sa competitive world. Ang pangutana andam ba kita sa pagsalmot sa lumba sa kalagnong kaluwasan? Pangutan-a ang imong kaugalingon ug pamalandong samtang may panahon pa.