Adbiento na pud ug dili madugay pasko na. Si Juan magbubunyag nag-awhag kanato sa paghinulsol ug pagbag-o. The best nga ikagasa mao gyud ang mahinulsolun nga kasing-kasing. Nanguhong na pud ang magpili sa nagkadaiyang posisyon sa katilingban.
Kausaban moy unod sa ilang plataporma. Apan sa dili pa nato hagpaton ang ilang gi pamulong pamalandungon nato kun ang nagsulti sa ingon naningkamot ba nga mag-usab sa kaugalingon?Kay basin ang nagpunay og yawit ug pakigdait numero unong way silingan.Hagbong sa Public Relation ug Hyper-Critical kaayo. Mao kini ang mga tawo nga low kaayo og self esteem mao nga ika-cover up ang kaugalingon buslot diha sa pagsaway sa uban. Ning panahon sa Adbiento kita naningkamot nga mouswag sa kabag-uhan. Unahon nato ang atong kaugalingon sa dili pa ang kinabag-an.