Ang implikasyon ni Obispo Teofilo Bastida Camomot sa atong kinabuhi

Paghigugma. Sa atong tagsa-tagsa ka mga kinabuhi ingon nga gasa gikan sa kahitas-an. Kay gasa man, atong ampingan ug palipangon pinaagi sa paghimo niini nga kahimanan aron usab ang uban makaila nga dunay Dios nga mahigugmaon sa tanan. Ang iyang pagkamahigugmaon bunga sa iyang pagkamaampoon ug ang maong pagkamaampuon maoy nakapahimo usab niya nga tawong manggihatagon.

3. Pagkamatinud-anon. Ngadto sa Dios nga nagtawag kanato sa usa ka dagway o matang sa pagkinabuhi. Si Beata Teresa sa Calcutta nagkanayon: “Wala kita tawga aron mamahimong malampuson, gitawag kita aron mamahimong matinud-anon.

4. Pagkamalipayon. Taliwala sa mga pag-antos ug pagsulay. Ang tawong Santos tawo nga malipayon.

5. Pagbansaybansay niini. Sanglit ang Dios wala man magpaabot nga mohimo kita og mga dagkong mga butang. Apan hinunoa, gidapit kita sa paghimo og mga ginagmay’ng butang nga dunay dili kasarangang paghigugma. Ug kini ang nakahatag kanato og kalipay ug katagbawan sa bisan unsang diyotay nga buhat nga maayo.