Pagsangyaw

B. Pagtudlo sa mga kabataan ingon man sa mga hamtong sa atong pagtuo. Giatiman niya ang mga Katekistas, gitukod ang Daughters of St. Teresa nga kamadrehan nga maoy moabag sa mga parokya sa mga nagkadaiyang programa, gialimahan ang mga nagkadaiyang mga pundok sa simbahan ug kanunay siyang mogahin og panahon aron sila tudloan ug maymayan.

C. Paghimo sa iyang kinabuhi ug batasan ingon nga buhing aplikasyon sa iyang gitudlo ug giwali. Gamhanan ug kasaligan ang iyang pagpanudlo tungod kay gipuy-an man niya ang iyang gitudlo. Nakahinumdom siya sa Ginoo sa kanunay ug gitipigan niya ang Ginoo ug ang mensahe niini sulod sa iyang kasingkasing. Matud pa sa PCP II no. 154. Ang Simbahan maoy mosangyaw apan sa laing bahin ang sa kanunay pagasangyawan. Gikinahanglan niya kini aron magpabilin siyang lunhaw, lig-on ug baskog diha sa pagsangyaw sa Ebanghelyo. Kining maong pangindahay sa Simbahan aron paga-umolon ang usa ka katilingban sa mga tinun-an sa unsa mang paagi? (Sumpayan)