Pagsangyaw

Ang Epektibong Pamaagi ni Obispo Teofilo Camomot 

TUMONG: Imantala ang mga mahinungdanong kamatuoran sa kinabuhing Pastoral  ni Obispo Teofilo Bastida Camomot

Nahimong panultihon ni Obispo Teofilo:  “Nahinumdom ka pa ba sa atong Ginoo?” Pangutana nga iyang gihatagan og dako gyud kaayo nga pagtagad. Busa iyang gihimo ang iyang kinabuhi, mga kabudlay, ug mga panlimbasog ingon nga nakasentro sa pagsangyaw sa ebanghelyo o maayong balita. Iyang gihimo kining mosunod nga mga lakang:

a. Paghaling sa pagka-makidiosnon sa mga katawhan. Kay maampuon man siyang tawo natural lamang nga pagahimuon niyang sukaranan ug ganghaan ang mga relihiyosong balansayon sa katawhan sa mga parokya diha sa pagtudlo ug pagdasig nila. (Sama pananglit sa mga nobena, debosyon sa Mahal nga Birhen ug uban pang mga Santos, paghatag sa mga Sakramento ug uban pa). (Sumpayan)