Mitulo ang luha

Suma pa niining news sa Associated Press (AP) “joyful and emotional” ang mihari nga pagbati ni Arsobispo Luis Antonio Tagle dihang giproklamar na kini nga usa ka hingpit nga Cardinal didto sa Vatican.

* * *

Daghan ang nakakita nga namahid sa iyang luha si Cardinal Tagle taliwala sa iyang kalipay ug emosyon.

* * *

Wala niya kini tuyoa apan ang nasaksihan sa mga tawo atol sa pagdawat ni Cardinal Tagle sa iyang pulang kalo ug singsing sa Cardinal diin mitulo ang iyang luha taliwala sa kalipay, mimatuod sa giingon sa survey nga ang mga Pinoy maoy “happiest people” ug “most emotional people” sa tibuok kalibutan.

* * *

Maoy atong kinaiya nga matawag natong dakong grasya gikan sa atong Ginoo. Dakong grasya tinuod tungod kay sa milyon ka milyon nga mga tawo sa kalibutan kitay gihimo Niya nga “labing malipayon” sa tanan.

* * *

Sa laing bahin, naay daghang mga tigpaniid sa nagkalain-laing nasud sa kalibutan kinsa medyo mahisaway sa polisiya sa Vatican diin mga taga Europe lang ang kanunay himoong Santo Papa. Moabot ba kaha ang panahon diin usa ka Asiano -- Hapon, Insek, Filipino, o uban pang non-European Cardinal ang mamahimong Santo Papa?

* * *

TRIVIA. Maayong buntag diha sa atong mga higala ug magbabasa sa Leon Kilat ug Borromeo sts. Daghang salamat sa inyong suporta sa Banat News.