Doctors of the Church

Nahibawo ka ba nga kun dunay Doctor of Medicine (M.D.) ug Doctor of Philosophy (Pd. D.) duna say Doctor of the Church? Daghan ang wa masayud niini.

* * *

Ang Church nga atong gihisgutan dinhi mao ang Roman Catholic Church. Ang Iglesia Katolika Romano kun Simbahan Katolika adunay 33 ka mga santos nga nagdala niining maong titulo.

* * *

Kini atong nadukidukian sa magasin “Oblates” nga gimantala sa Missionary Oblates of Mary Immaculate kang kansang headquarter tua nahimutang sa Belleville, Illinois, USA.

* * *

Ang usa ka santo o santa makaangkon sa titulo nga Doctor of the Church kun kini iproklamar sa Santo Papa o sa Ecumenical Council human kini ika-recognize sa buhi pa sa ilang mga mahinungdanong buhat nga nakatabang sa pagpa-uswag sa Simbahan pinaagi sa ilang mga pagwali ug mga sinuwat.

* * *

Ang unang mga Doctor of the Church mao sila si St. Ambrose, St. Augustine of Hippo, St.  Jerome ug St. Gregory the Great. Gipasidunggan sila isip mga Doctor adtong tuig 1298. Si St. Teresa of Avila maoy unang santa nga nahimong Doctor. Giproklamar siya adtong 1970 lang.

* * *

Ang listahan sa mga Doctor of the Church sa Simbahan Katolika mao ning mosunod: St. Ambrose, St. Augustine of Hippo, St. Jerome, St. Gregory the Great, St. John Chrysostom, St. Basil, St. Gregory Naziansus, St. Thomas Aquinas, St. Athanasius, St. Bonaventure, St. Anselm, St. Isidore, St. Peter Chrysologus, St. Leo the Great, St. Peter Damian, St. Bernard, St. Hilary of Poitiers ug 16 pa nilang kaubanan.