Templete preserbahon

Daghan nang mga templete ang natukod dinhi alang sa mga relihiyosong kalihukan apan gipangdemolis kini dayon human sa maong kalihukan.

* * *

Usa ka importante untang templete mao tong gipabarug diha sa reklamisyon area atol sa kasaulogan sa ika-400 ka tuig (4th centennial) sa atong pagka-Kristiyanos.

* * *

Karon naa nasay usa ka dako ug mahalon nga templete nga gitukod diha sa SRP. Gitukod kini alang sa umaabot nga Thanksgiving affair alang kang San Pedro Calungsod. Mahinungdanon ang maong templete tungod kay alang kini ni San Pedro Calungsod nga unang Santo nga Bisaya/Sugbuanon.

* * *

Kita manghinaut nga kining maong templete preserbahon, dili demolison, hangtud sa hangtud kay Santo ang naas luyo sa paghimo niini.

* * *

Ug mahimo usab kini nga handumanan niadtong mga deboto ni San Pedro Calungsod nga nakatampo sa bisan sa ginagmay lang ilang gitawag nga “love donation” alang sa pagtukod niining maong templete.

* * *

Ug matud pa sa usa ka lider sa usa ka relihiyosong pundok dinhi nga ang maong templete mahimong usa ka monumento sa atong pagka-Kristiyano.

* * *

TRIVIA. Greetings sa atong mga higala diha sa Taboan market area diin nagkadaghan ang atong mga bumabasa. Daghang salamat sa inyong suporta sa Banat News.