Mga dagkong income bisan mitaliwan na

Naay mga mipanaw na sa atong kalibutan nga mokita pa og minilyon bisan ngalan na lang nila ang nagpabilin sa lapida.

* * *

Ang labing adunahan karon nga patay na mao si aktres Elizabeth Taylor kinsa giila ron nga “highest earning” patay nang celebrity. Suma pas Reuters news agency, si Liz Taylor mikita adtong miaging tuig og US$210 million.

* * *

Nalabwan na ni Liz Taylor si Michael Jackson kinsa maoy highest-earning dead celebrity adtong miaging tuig. Si Jackson mikita og US$145 million adtong tuiga gisundan ni Elvis Presley kinsa nikita og US$55 million.

* * *

Kining makabungog nga income niining atong gihisgutang mga patay na nga celebrity nigikan kini sa auction kun gisubasta nilang kabtangan sama sa mga alahas, sinina ug mga artwork.

* * *

Laing tinubdan sa kinitaan ni Liz Taylor bisan siya tua na sa laing kalibutan mao ang halin sa iyang himalitan kaayo nga perfume nga midag brand nga White Diamonds. Nagpadayon sab siya’g dawat og royalty sa iyang mga pelikula.

* * *

Gipaabot nga mobalik si Michael Jackson sa numero uno tungod sa steady revenues sa iyang mga halin nga kanta ug uban pang nahibilin niyang mga negosyo.

* * *

Ang source kon tinubdan sa balita sa Reuters mao ang inilang Forbes magazine.

* * *

TRIVIA. Mangumusta kita sa atong mga reader diha sa North Reclamation Area. Daghang salamat sa nagpadayon ninyong suporta sa Banat News.