Ang mga senior citizens ug ang RH Bill

Usa ka higalang senior citizen nangutana kun unsa konoy baruganan sa FSCAP bahin sa RH Bill. Ako siyang gitubag nga as an organization, wala kitay baruganan. We are about 9 million senior citizens in the country, ug imposible kaayo nga atong makuha ang consensus sa matag senior citizen aron makaumol og komon nga baruganan pabor o batok sa RH Bill, or any issue for that matter.

Iyahay lang ta, as individual senior citizens. Hinoon, laing higala miingon nga kun duna pa konoy RH Bill sa unang panahon, ug nahimong balaud, wala unta kita karon dinhi. Sa ato pa, pila lang kaha kono ka senior citizens ang nagtikawtikaw karon sa siyudad… hinoon, diyutay ra sad unta ang hatagan og cash assistance sa city hall.

Apan, gikinahanglan ba gyud ang RH Bill? Bisag unsaon nila’g pangugat nga dili kini abortion … atong makita nga sa ubang kanasuran nga misupak unta sa abortion … sa diha nga misagop sila sa susamang balaudnon sa RH Bill, hinayhinay nga mikuyanap ang midangop sa abortion.

Sa Democratic National Convention sa America, giklaro ni Presidente Obama nga iyang ipadayon ang pag-support sa abortion. Sa ato pa, kun siya kasublian pagka-presidente, giingon nga “he and his Secretary of State will continue to target countries like the Philippines to spread their culture of death.”

Kining RH Bill, una kini nilang mga lakang pag-promote sa culture of death pinaagi sa abortion. Sa ilang binuksang pamahayag, sila si Bernardo Villegas ug laing 28 ka concerned citizens, miingon: “Being part of an ideology interpretation of ‘women’s rights,’ such aggressive campaign to promote reproductive health (which Secretary of State Hillary Clinton averred “includes access to abortion”) is part of the US-supported worldwide program that was unleashed by the National Security Study Memorandum: Implications of Worldwide Population Growth for US Security and Overseas Interests.”

Atong masabot dinhi nga adunay mga langyaw’ng interest nga nagpaluyo sa RH Bill. Mao man gani nga dunay nakapangutana kun kinsa gayud ang tinuod nga author sa RH Bill. Lagmit gigamit lang ang mga ngalan nila ni Lagman, Defensor, ug Cayetano (Pia).

Makadaot ba sa ekonomiya ang daghang tawo? Ang bag-ong na-release nga Global Competitiveness Report 2012 sa World Economic Forum sama sa HSBC 2012 Report, mitumbok sa Pilipinas nga miuswag ang ekonomiya gumikan sa “large and growing population.”

Mipadayon sila si Villegas: “Some greatest minds of the 20th century have shown through cross-country studies and long term analysis of the economic experiences of developed countries that population growth was a positive stimulus to economic progress.”

Unya, sa gihimong pagtuon sa University of Pennsylvania, giulohan “Sexual Revolution,” nakita nga ang pre-marital sex sa America, misaka gikan sa 0.06% sa kababayen-an ngadto sa 75% sa tuig 2009, kini, gumikan sa contraception nga maoy nakahatag sa mga batan-on sa kahigayonan pagpatuyang sa sexual activities without “cost or responsibility.”

Mosugot ba kitang mga senior citizens nga mao unya kini ang mahitabo ug maoy buhaton sa atong mga apo? In the meantime, paminaw sa Senior Citizens Hour sa dyRC, 648 kHz matag Sabado, 4:00-6:00 pm. Tels. 4125249, 4125298.