SEPTIYEMBRE 16, 2012: Ikakawhaag-upat nga Domingo sulod sa tuig
Mga Pagbasa: Is. 50;4-9/Sal.116/San. 2:14-18/Mk. 8:27-35
Tinguha nato nga mailhan ang Ginoo apan pila kaha nato ang buot mosinati sa iyang nasinati? Kini kay kuyog sa pag-ila sa Ginoo mao man gyud ang dakong posibilidad nga masinati pud nato ang Krus nga iyang gipas-an. Kay lagi ang krus matawag man nato og usa ka mahinungdanong kabahin sa atong kinabuhing Kristohanon.
Ning paagiha dili na usa ka public opinion ang atong gihimo hinunoa, usa na kini ka personal opinion with personal experience ingon tang pagkasultiha. Aron mas masinati nato ang Ginoo angay nato siyang gahinan og panahon diha sa pagpamalandong ug pag-ampo aron sa ingon, dili malisud usab alang kanato ang pagpas-an ug pagpakighigala sa krus nga nahimong kabahin usab sa kalihukang ministeryal sa atong Ginoo.