Milyonardoy!

(Dihay Amerkano, Hapon ug Pinoy pagmata duna nay tagsa ka milyon sa ilang tupad)

Hapon: Ako tulok balik pala mata naa lain milyon.

Kano: akow matowlog pud og balik, para dunay laing usa ka milyon inig mata.

Pinoy: Kamo lay tulog kay maglingawlingaw naku ining usa ka milyon.

Pagmata sa Hapon ug Kano wala gyud matulog ang Pinoy ug wala na sa ilang tapad ang nakaapan wala na sab ang ilang tagsa ka milyon (Toink/Aguy!) Hehehehehehehehehehehehe!

Kinsay ingon nga dili makamao modala og minilyon ang pinoy! (Toink!)

Ang pangutana! Natong mga wala maanad pagtipig og minilyon sigurado kaha natong mapahiluna ang katigayonan kun hatagan ka’g kahigayonan nga mahimong kalit nga milyonaryo?

Ikaduhang higayon ang gipanghinaot karon sa usa ka mananaog og minilyon sa lotto nga gitawag na lang karon og kanhi milyonaryo. Kanhi milyonaryo kay ang dili mominos katorse ka milyon nga iyang nadaog sa lotto niadtong 2008 nahanaw daw abo.

Milyonardoy milyonaryong napurdoy (Aguy!)

Nakalitan ba o nasulawan ba pag-ayo sa kalit nga katigayonan wala nay laing gihimo si Jonie Reyes mananaog sa 6/42 jackpot lotto niadtong 2008 gawas sa paglingawlingaw ug pagpanugal sa iyang minilyong daog.

Pagpalit og balay ug sakyanan ug ang tag 50 mil nga gihatag matag usa sa unom niya ka anak mao lang ang labing klarong nagahinan sa iyang kalit nga katigayonan.

Karon! tambag nga dili magpasagad sa swerte sa mga susama niyang makadaog ug pangindahay nga makasubli sa kahigayonan aron matul-id ang nahimong sipyat ang naghari ron sa iyang galamhan.

Kaunogon! mao nay giingon “walay pagbasol nga mag-una” sa maninglis pa “pregnancy comes first before regrets”(Toink!/Ayoy!)

Hehehehehehehehehehehe!

Mana: Bitoy use the word lotto in a sentence?

Bitoy: Mam my mother is a good cook.

Mana: Where is the word lotto there?

Bitoy: Mam sad oy unsa man diay bisaya sa cook di ba lotto? (Toink!/Aguy!) Hehehehehehehehehehehehe!

Sayon lang ang pagsulti ko wala pa sa akto samtang sayon lang pagpahiluna sa tanang plano kun kutob pa lang sa hunahuna. Busa kun duna kay mga damgo nga mahimong milyonaryo sa hunahuna pa lang iapil na ang posibilidad sa pagyamayama sa katigayonan aron duna nay mga panagana kun ang mga damgo ug pangandoy mahatagan og katumanan.

(Dihay bana nga nangabit makigbuwag na unta sa iyang asawa)

Bitoy: Duna koy isulti nimo

Senyang: Ako sab duna koy isulti nimo.

Bitoy: Ako lay una, dili na gyud siguro mapadayon ang atong panag-uban….

Senyang: Pssssssssssst akoy una, paminawa sa ko… ayaw og saba ha, nakadaog ko.

Sa lotto jackpot karon 300 million ang akong daug….. Unsa toy imong giingon.

Nga dili na mapadayon ang atong panag-uban?

Bitoy: O day! Dili na tag mag-uban ugma inig pangompra sa tindahan ba……..

 love you day oy….. inlove kay ko nimo gyud (Toink!/Aguy!)

Hehehehehehehehehehehehehe!

(Emailad:[email protected])