El Niño sa bagyo

Senyang: Lab unsay ingalan nato sa atong anak ?

Bitoy: Kun lalaki atol sa ting-init el nino pero kun babaye atol sa ting-ulan la nina.

Senyang: Og babaye atol sa ting-init?

Bitoy: May unta’g dili pero segi nganlan nato og Elinita (el inita) el-el ang angga.

Senyang: Og kun lalaki atol sa ting-ulan?

Bitoy: Simbako ayaw intawon mapugos tag ngalan og Laulano.

Senyang: Ang angga?

Bitoy: Law-law(Toink!/Aguy!)

Hehehehehehehehehehehehehehe!

Kun naglibog mo sa kahimtang karon sa panahon hasta ko (Toink!), pero og nganong nagsegi ang ulan taliwa sa pahibalo sa Pag-asa nga masinati ang el nino mao nay gitawag og R.I. P. in short sa binisaya pa kun atong “move on”(Aguy!) aron dili maglabad ang inyong alimpatakan Rest In PAG-ASA(Aguy!).

Menggoy: Bay Bitoy laki diay nang ting-init no kay el nino man ang ngalan samtang babaye pud ang ulan kay la nina man.

Bitoy: Kay ngano man diay Menggoy?

Menggoy: Ang ako gud oroy og magka-uyab nang duha unya magkasabot unsa man kahay resulta?

Bitoy: Aw eklipsi

Menggoy: Ngano man?

Bitoy: Unsaon man nila pagdulog og hayag(Toink!/Ayay!)

Hehehehehehehehehhehehehehehehe!

Samtang dili na masabot ang kahimtang sa panahon ang labing importante nga may giya ang publiko sa pag-usab-usab sa kinaiyahan, ilabina ang mga molupyo daplin sa mga sapa, bakilid ug kadagatan.

Inay hasion sa atong hunahuna nganong nahimong ting-init ang ting-ulan ang labing importante nga andam ka sa unsay mga posibilidad nga manghitabo sa imong palibot.

Kanunay nga pagmatngon ug pagpakabana ang gikinahanglan sa dili masabtan karon nga lihok sa kinaiyahan.

Bitoy: Nakabantay ka lab Senyang dili na masabtan ang kahimtang sa panahon karon no, init kaayo unya taod taod uwan sab og kusog?

Senyang: Tinuod gyud ka lab hasta ang tawo makalibog na sab.

Bitoy: Ha? Nganong apil man ang tawo lab?

Senyang: Parehas gud nimo lab, dili na sad ka masabtan.

Bitoy: Unsa may imong nalibogan naku lab?

Senyang: Gahapon paglakaw nimo nag-brief ka pagbalik nag-panty na(Hala!/Toink!)

Aguy! Hehehehehehehehehehehehehehe!

Wala pa mahuman oy mangutana pa gani si Misis og unsay hinungdan.

Senyang: Ngano man na lab?

Bitoy: Ha! Kuan na lab,.. mao nay gitawag og CC as in Climate Change.

Senyang: Mao ba…. Naku og mao nay gitawag og Cipyat Change (Tua ra!/Patay!)

Hehehehehehehehehehehehehehehe!

Samtang way kahimanan nga makapugong sa bisan unsay buhaton sa kinaiyahan atong pahimuslan ang gihatag nga kahigayonan sa pagmatngon ug pag-amping.

* * *

(emailad:[email protected])