Duna pa diay taong grasa nga nagsuroy-suroy sa atong kadalanan. Kining akong nakit-an napuno’g buling/hugaw apan dunay salimbong sa iyang atubangan.
* * *
Wala siya magpakilimos apan kun hatagan og makaon modawat. Kun kuwarta ang itunol ngadto kaniya dawaton sab apan dili mosobra sa piso. Piso-piso lang.
* * *
Kausa dihay nihatag kaniya og singko pisos nga coin. Gidawat apan gisuklian og upat ka buok nga pisong sensiyo. Daghan siya’g mamisos nga sensiyong tinigum kay lagi piso-piso ra man ang iyang dawaton.
* * *
Kahibudngan kining maong taong grasa. Mao ray pobre nga manukli sa ilimos kaniya. Mao diay nga ginganlan kini sa uban nga “piso-piso pang bay.”
* * *
Tungod sa maong kinaiya nagtuo gayud ang kadaghanan nga buang kining tawhana apan masuko kun nganla’g buang. Ambot unsa kining tawhana. OK tawgon ta lang mga taong grasa.
* * *
Salamat ni Nestor Genson, atong reader diha sa Mandaue, nga mipuno og pipila ka impormasyon kabahin ning maong taong grasa. Daghang salamat, Sir.
* * *
TRIVIA. Maayong buntag diha sa atong mga higala sa Barangay Luz ning siyudad sa Sugbo. Daghang salamat sa nagpadayon ninyong suporta sa Banat News.