Kini ang kondisyon ni Manong ngadto kang Inday nga sa mga papel nabunyagan. Wala magsilbi ang pagpunay og pa-cute atubangan sa webcam aron mga langyaw sa dolyar mopadala. Mao nga namutos dayon ang babaye samtang nagtan-aw ang kapuyong lulid. Ang lulid igo lang mipatulo sa luha hasta muta dungan ang pag-ingon: “Ang Ato Unyang Bugas Ha?” kun pwede pa lang mabalik ang nausik nga kagahapon uban sa pamilyang gitalikdan niya gumikan ni Inday nga Maanyag. Ania siya karon tigulang na, nag-antos sa sulad sa kawalay kapaingnan. Gibayran man tuod ang mga utang niya apan ang pangutana: “Nagmalipayon ba kaha siya?” Ang tubag: “Ambot lamang!”
Kini nagpahinumdom kanato ning mosunod:
a. Una, ang tinuod nga kalipay dili gyud kabayran og salapi.
b. Ikaduha, ayaw paggasto og sobra sa imong abot.
c. Ikatulo, ug katapusan, sa dili ka pa mangayo og tabang aninawa daan kun ang balos sa maong hangyo makatarunganon ba alang kanimo?