Ang gi-tag nga pic

Sa pag-abli nako sa akong FB Account akong nakita ang hulagway sa duruha ka mga tigulang magtiayon nga naglakaw. Si lolo niagbay kang lola. Si lola nigunit sa hawak ni lolo. Silang duha, nagbako-bako. Ubos sa maong hulagway mao ang caption nga nagkanayon: “Falling In Love Is Easy. Staying In Love Is Special.” (Anon). Ang gugma ingon nga usa ka proseso ang magsugod gyud sa kaibog tungod sa bisan unsang hiyas nga nahuptan sa imong gihigugma. Apan sa kadugayan kini wala magpabilin sa kaibog lamang, kini molambo ug angayang higtan sa usa ka commitment aron dili na mapakling pa. Hangtud nga ang kamatayon maoy mobulag na niini. Nindot ang maong talan-awon makapadasig kanato nga maningkamot nga magpabiling tinuod aron matag gugmang gitisok palamboon. Matud pa sa awit: “Kung Tayo’y Matanda Na Sana Di Tayo Magbago..! Alang sa mga magtiayon o ni bisan kinsa hinumdomi kini: “Kun inyong pilion nga kamo molahutay, molahutay gyud mo. Apan kun pilion ninyo nga kamo maungkag nan, maungkag gyud mo!