Kapakyasan

Sa katapusang exam usa ka estudyante nga wala makakuha sa saktong tubag misulat sa iyang papel, “Bulahan kadtong mga maloloy-on.”

Human sa pagbasa sa maestro gibutangan niya og letra nga “F” (failed) ang grado ug dungag sa pagsulat, “Bulahan kadtong nagmasulub-on kay sila pagahupayon.”

Ang kapakyasan dili angay nga ikaguol. Ato kini himoon nga sukaran sa atong paglampas. Diha sa kapakyasan makat-onan nato ang atong mga kahuyangan nga atong malig-on aron maangkon nato ang kalampusan. Pinaagi sa pag-aninaw pag-ayo atong mausab ang atong nahimo.

Ang kapakyasan maoy makapahimo natong lig-on, maalamon ug makapalambo sa atong pagkahamtong.

“Failures lead to Success.”