Ang kabalaka (1)
Adunay libro nga sinulat ni Marylou Hughes nga nag-ulohan og: Quick Fixes: 303 ways to help yourself before the therapists arrive. Usa sa mga hilisgutan nga gihatagan og pagtagad mao ang mahitungod sa kabalaka kun anxiety. Usa kini ka normal nga reaksiyon sa giisip nimo nga risgo labi na kun kini ang maglambigit sa imong pakiglambigit sa mga tawo, paghimo og usa ka public performance nga usahay makahatag kanimo og kahadlok o dili ba kaha nerbiyos. Ania ang mga timailhan:
a. Paningot
b. Pamugnaw
c. Paspas nga pagpitik sa kasingkasing
d. Maglabad ang ulo
e. Kakulba
f. Maglisud og ginhawa
Unsay angayan nimong buhaton?
a. Himoang ma-distract o dili ba ma-divert una ang imong hunahuna. Usa kini ka paagi sa pagpakalma sa imong gibating kabalaka.
b. Pagbasa og mga libro, mantalaan, magasin nga makahatag nimo og interes.
c. Pagsulat. Isulat ang imong gibati ug gihunahuna sa usa ka notebook. Kun dunay freedom wall mas maayo.
d. Tan-aw og tv o dili ba paminaw og mga relaxing kaayo nga mga musika. (Padayunon)