Kun ang ubang mga kompaniya ang mohimo og usa ka one way traffic nga magpakatap og mga impormasyon kalabot sa pagtigayon diin ang mga tawo sa ubos nga ranggo ang mag-agad lamang sa mando sa ilang labaw, si Walt Disney lahi. Ingon nga tawo nga puno sa damgo ang mohimo og usa ka Inclusive ug Malangkubong pamaagi aron ang matag usa gikan sa taas ngadto sa ubos ang makahatag og kontribusyon sa dili pa himoon ang bag-ong pasundayag. Ang tumong ug tuyo ni Walt Disney mao ang adunay sense of ownership ang matag usa sa maong proyekto. Kini ang gitawag niya og Dream Retreat. Diin ang tanan mohawa una sa naandang dapit trabahoan aron mohimo og malangkubong paggambalay sa mga plano. Ang tanan paminawon, ang tanan pasultihon ug palihokon. Dili sama sa atong mga pangulo karon nga dili gani maantigong mo-empower. Alang kanila usa na sila ka maayong engineer bisan pa man kun sa tinuod lang bogo sila og mathematics.